Акыркы тегерек столдо Казакстан Республикасынын Эмгек жана калкты социалдык жактан коргоо министрлигинин өкүлдөрү балалуу үй-бүлөлөрдү колдоо чаралары тууралуу айтып беришти.

Эмгек жана социалдык коргоо министрлигинин социалдык жардам башкармалыгынын башчысы Гүлмира Жакен кызынын айтымында, Казакстанда үй-бүлөлөрдү социалдык жактан колдоонун көп баскычтуу системасы бар. Балдары бар үй-бүлөлөр республикалык бюджеттен да, ошондой эле Мамлекеттик социалдык камсыздандыруу фондунан да пособиелердин ар кандай түрлөрүн алышат.

Быйыл балалуу үй-бүлөлөрдү социалдык колдоого 1,6 триллион теңгеден ашык каражат бөлүү пландалууда. Бул каражаттар баланын төрөлүшүнө, баланы багуу боюнча, көп балалуу үй-бүлөлөргө жөлөкпулдарды төлөөгө, ошондой эле кош бойлуулугуна жана төрөтүнө байланыштуу кирешесин жоготкон учурда социалдык жөлөкпулдарды төлөөгө жумшалат.

Көп балалуу үй-бүлөлөрдү колдоого өзгөчө көңүл бурулууда. Мындай үй-бүлөлөргө жөлөкпулдун өлчөмү балдардын санына жараша болот жана олуттуу суммага жетиши мүмкүн. Мындан тышкары, «Алтын алка» жана «Күміс алка» ордендери менен сыйланган көп балалуу энелер ай сайын өмүр бою мамлекеттик жөлөкпул алышат.

Сүрөт: Казакстан Республикасынын Президентинин алдындагы МБК