Қырғыз Республикасының Министрлер кабинеті «Қырғыз Республикасының ауыл шаруашылығын дамыту туралы» Қырғыз Республикасының заңына өзгерістер енгізу туралы» заң жобасын Жогорку Кенешке жолдады.

Құжаттың негізгі мақсаты – аграрлық сектордағы сақтандыру жүйесін қаржыландыру бөлігіндегі қайшылықтарды жою. Қолданыстағы заңда субсидиялау республикалық және жергілікті бюджеттерде қаражат болған жағдайда ғана мүмкін болады деп көрсетілген. Дегенмен, «Қырғыз Республикасының ауыл шаруашылығын мемлекеттік қолдау арқылы сақтандыру туралы» жаңа жоба бұл шараны тұрақты негізде қаржыландыруды қамтамасыз етеді.

Осылайша, ауыл шаруашылығы өнімдерін өндіру, өңдеу, сақтау, тасымалдау және өткізу кезіндегі тәуекелдерден сақтандыру жүйесін дамытуды шектейтін норманы алып тастау ұсынылып отыр.

Үкімет елдегі азық-түлік қауіпсіздігі мен тұрақтылықты қамтамасыз етуде ауыл шаруашылығы басты рөл атқаратынын атап өтеді. Алайда, қолданыстағы сақтандыру механизмі тәуекелдерді басқаруға төтеп бере алмайды және реформаны қажет етеді.

Түзетулерді қабылдау фермерлер мен өндірушілерді климаттық, табиғи және басқа да тәуекелдерден қорғаудың толыққанды сақтандыру бағдарламасын енгізуге мүмкіндік береді. Түзетулерді қарау және бекіту мемлекеттік қолдаумен сақтандыру туралы негізгі заң қабылданғаннан кейін мүмкін болады.