АСТАНА, 23 мамыр – «Караван Инфо» АА.ҚР Ұлттық мұрағатында Мұрағат комитетінің төрағасы Рустам Әли, Сауд Арабиясының Елшісі Фейсал Әл-Кахтани және Король Абдулазиз қорының директоры Турки әл-Шувейердің кездесуі өтті.

Тараптар мұрағат ісі саласында, атап айтқанда цифрландыру, тәжірибе алмасу, тарихи құжаттарды сақтау және бірлескен ғылыми зерттеулер жүргізу мәселелері бойынша ынтымақтастыққа келісті.

Келіссөздер қорытындысы бойынша Қазақстан Республикасының Ұлттық мұрағаты мен Сауд Арабиясының мұрағат қоры арасында ынтымақтастық туралы меморандумға қол қойылды. Сондай-ақ қонақтар мұрағаттық инфрақұрылыммен, оның ішінде қалпына келтіру және сақтау зертханаларымен танысты.