Президентке Жамбыл облысында инвестиция тарту және агроөнеркәсіптік кешенді дамыту жөніндегі жұмыстар туралы баяндалды. Қасым-Жомарт Тоқаевқа экономиканы индустрияландыру, мал шаруашылығы мен ауыл шаруашылығы өнімдерін өңдеу саласындағы жүзеге асырылып жатқан жобалар, егістік алқаптарын әртараптандыру және суды үнемдеу технологияларын енгізу туралы баяндалды.

Сондай-ақ инвестициялық жобалардың жиынтығы таныстырылды. Жыл басынан бері аймаққа 599,2 млрд теңге инвестиция тартылды, бұл 33%-ға өсім. Соңғы екі жылда 242 млрд теңгеге 56 инвестициялық жоба жүзеге асырылды. Мемлекет басшысына аймақтың жетекші компанияларының жобалары таныстырылды. Қасым-Жомарт Тоқаев сондай-ақ «Қазфосфат» ЖШС минералды тыңайтқыштар өндірісі мен металлургиялық зауыт құрылысының инвестициялық жобасын қарастырды.

Президентке Жаңатас қаласындағы ауқымды «Еврохим-Қаратау» инвестициялық жобасының аралық нәтижелері туралы баяндалды. Қазіргі уақытта жаңа күкірт қышқылы зауытында іске қосу-реттеу жұмыстары жүргізілуде, онда ішкі нарыққа арналған алғашқы өнімдер өндірілді.

Қасым-Жомарт Тоқаевқа Шу ауданында жалпы инвестициясы 1,5 миллиард доллар болатын жүгеріні терең өңдеу зауытының алдағы уақытта іске қосылатыны және Байзақ ауданында қант зауытының құрылысы туралы хабарланды.

Дереккөз: «Хабар» агенттігі https://khabar.kz/ru/news/politika/181012-glava-gosudarstva-posetil-maluyu-industrialnuyu-zonu-taraz