Бүгін, 20 шілдеде Моңғолия Президенті Ухнаагийн Хурелсух Қырғыз Республикасына мемлекеттік сапармен келді.

«Манас» халықаралық әуежайында Моңғолия басшысын Қырғыз Республикасының Президенті Садыр Жапаров қарсы алды. Ту тұғырларына екі елдің туы ілініп, кілем төселіп, ұлттық киіз үй түріндегі инсталляция орнатылып, құрметті қарауыл сапқа тұрды.

Ұлттық киім киген бойжеткендер Ухнаагийн Хурелсухты қарсы алып, гүл шоқтарын, боорсок, бал сыйлады.

Мемлекет басшыларына қырғыз және моңғол музыкалық шығармаларын орындаған қырғыз өнерпаздарының қатысуымен концерттік бағдарлама ұйымдастырылды.

Мәртебелі мейманды да қырғыз халқының бай мәдени мұрасын көрсететін ұлттық дәстүрге сай қарсы алды.