Алматы, 2026 жылғы 23 наурыз – Karavan Info ақпараттық агенттігі. Абай алаңы Наурыз мерекесі кезінде подиумға айналды. Дәстүр мен заманауи сән үйлескен ерекше сән көрсетілімі: 60 жастан асқан әжелер сахнаға танымал қазақстандық дизайнер Раушан Әнуарбекованың коллекциясын киіп шықты.

Жоба «Әлемді жаулап алған әжелер» деп аталды. Шоуға қатысушылар ұлттық ою-өрнектермен безендірілген, бірақ заманауи стильде жасалған киімдерін ұсынды. Әрбір көрініс дәстүрлі нақыштар мен заманауи үрдістерді үйлестірді.

Көрермендер әжелерді жылы қарсы алды. Олардың сенімділігі, өмірлік тәжірибесі және ішкі мәдениеті сахнаны ерекше жылулықпен толтырды. Ұйымдастырушылар бұл шараның ұлттық киім құндылығын дәріптеп, фестивальдің маңызды бөлігіне айналғанын атап өтті.

Фото : Астана әкімдігі