Душанбе, 4 шілде, — «Караван Инфо» АА.Шілденің 1-і мен 3-і аралығында Тәжікстан Республикасы Үкіметі жанындағы Сәулет және құрылыс комитетінің төрағасы Низом Мирзозода бастаған жұмыс тобы жер сілкінісінен зардап шеккен аудандарда – Рашт және Тәжікабад аудандарында тұрғын үйлер мен әлеуметтік нысандар құрылысының барысымен танысты.

Сапардың мақсаты қалпына келтіру жұмыстарының қарқынын бағалау және жүргізіліп жатқан жұмыстардың сапасын бақылау болды. Атап айтқанда, баспанасынан айырылған азаматтарға арналған мектептер, емдеу мекемелері мен тұрғын үйлердің құрылысына назар аударылды. Жауапты ұйымдарға құрылыстың барлық нормалары мен талаптарын сақтай отырып, жұмыстың уақытылы аяқталуын қамтамасыз ету тапсырылды.

Еске салайық, 2025 жылы 13 сәуірде Тәжікстанның солтүстік-шығысында 5-6 баллдық жер сілкінісі болды, эпицентрі Рашт аймағына жақын орналасқан. Рашт аймағындағы жер асты дүмпулерінің салдарынан 34 тұрғын үй толығымен қирап, 72-сі күрделі, 89-ы жартылай, 65 қосалқы нысан зақымданған.

Тексеру апат аймағындағы құрылыс жұмыстарының белсенді қарқынмен жүріп жатқанын және тиісті органдардың тұрақты бақылауында екенін растады.

ФОТО: ашық дереккөздерден