Орталық Азия мен Кавказдың таулы аймақтары күрделі климаттық және экологиялық өзгерістерді бастан кешіруде. Соңғы онжылдықтарда аймақ мұздықтардың үштен біріне жуығын жоғалтты, әр минут сайын 9 шаршы метрге дейін құнарлы топырақты жоғалтып, шөлге айналады.

Тау экожүйелерінің алдында тұрған қиындықтар – мұздықтардың жылдам еруі, өзендердің құрғауы, топырақтың деградациясы және биоәртүрліліктің жоғалуы – халықаралық диалог пен келісілген шешімдерді талап етеді. Сондай алаңдардың бірі 2025 жылдың қазан айында Махачкалада (Ресей Дағыстан Республикасы) өтетін «Таулы аумақтардың тұрақты дамуы» II Халықаралық форумы болмақ.

Форум климаттың өзгеруіне және әлеуметтік-экономикалық сын-қатерлерге бейімделу тетіктерін әзірлеуге, сондай-ақ экологияға бағытталған шешімдер қабылдауда муниципалитеттердің рөлін күшейтуге арналады. Су қауіпсіздігін қамтамасыз ету, топырақты қорғау, шөлейттенуге қарсы күрес, тау халықтарының мәдени мұрасын сақтауға ерекше көңіл бөлінетін болады.

Форумға түрлі елдерден мемлекеттік органдардың, ғылыми қауымдастықтың, бизнес-қоғамдастықтың, БАҚ және қоғамдық ұйымдардың өкілдері қатысады.

Шараны ТМД Парламентаралық Ассамблеясы, Ресей Федерациясы Федерация Кеңесі, Дағыстан Республикасының Үкіметі, Ресей Ғылым академиясы және РФ Қоғамдық палатасы ұйымдастырады. Форум тау экожүйелерін және миллиондаған адамдар үшін тұрақты болашақты сақтауда мемлекеттер мен аймақтардың күш-жігерін біріктіруге арналған.