Төтенше жағдайлар және дүлей зілзалалар қаупін азайту орталығы Орталық Азия елдерінің трансшекаралық қауіптері туралы ерте хабарлаудың және цифрлық атластың өңірлік жүйесін құруды ұсынды.

Мұндай жобалық ұсыныс Қытайдың Наньнин қаласындағы апаттарға төзімділікті дамыту форумында (MCR2030) жарияланды.

Іс-шара 2024 жылдың 29-31 шілдесі аралығында өтті, оны Азия Даму Банкі (АДБ) БҰҰ апаттар қаупін азайту жөніндегі басқармасымен (БҰҰ ҚДБ) бірлесіп ұйымдастырды.

Форумға Вьетнам, Моңғолия, Корея, Камбоджа, Мальдив, Филиппин, Тайланд, Пәкістан, Бангладеш, ҚХР, Армения, Әзірбайжан, Тәжікстан, Қырғызстан, Өзбекстан, Қазақстан сияқты әлемнің 16 елінен 60-тан астам сарапшы қатысты, олар қалалардың тұрақтылығын қамтамасыз ету бойынша өз білімдері мен тәжірибелерімен бөлісті.

Форумның негізгі күтілетін нәтижесі АДБ және БҰҰ ҚДБ-мен әлеуетті болашақ ынтымақтастық үшін инвестициялау мүмкіндіктерін айқындау болды.

Форумға қатысушылардың барлық ұсынылған жобаларының ішінен АДБ ОА елдерінің трансшекаралық қауіптерінің цифрлық атласын құру жөніндегі ұсынысқа қызығушылық танытты, осыған байланысты осы мәселе бойынша жұмыс тәртібімен одан әрі өзара іс-қимылды ұйымдастыру жөнінде уағдаластыққа қол жеткізілді.

Бұл форум тәжірибе алмасудың, ұсынымдар әзірлеудің және қалалардың тұрақтылығын қамтамасыз ету бойынша одан әрі инвестициялау мен әріптестік үшін мүмкіндіктерді айқындаудың үлгісін көрсетті.

Айта кету керек, мұндай қауіп-қатерді жою атластары Ресейде әртүрлі аймақтарда бар. Өңір елдерінің ТЖМ Өңірлік форумның отырыстарын өткізеді, оның шеңберінде төтенше ведомстволар басшыларының кеңестері өтеді. Соңғысы 2023 жылдың қараша айында Астанада өтті.