АСТАНА, 1 шілде – «Караван Инфо» АА.Қазақстан Республикасының Ғылым және жоғары білім министрі Саясат Нұрбек пен Үндістан Елшісі Татипамула Венката Нагендра Прасад Ақкөлдегі Қазақстанға үнді тарапы сыйға тартқан PARAM BILIM-2 суперкомпьютері орнатылған деректерді өңдеу орталығында болды.

ЕҰУ ректоры Ерлан Сыдықовтың айтуынша, 2025 жылдың наурыз айында жаңартылған суперкомпьютер қазірдің өзінде ғылыми зерттеулерде белсенді түрде қолданылуда. Онымен жұмыс істеуге әртүрлі кафедралардың 60-тан астам мамандары, сондай-ақ ЕҰУ студенттері мен оқытушылары дайындалды.

Тараптар KazSat спутниктік деректерін талдау, табиғи ресурстардың цифрлық картасын жасау, егін шығымдылығын болжау үшін суперкомпьютерді қолдану мүмкіндіктерін талқылады. Үндістан, Орталық Азия, Ресей және Оңтүстік Корея қатысатын аймақтық кванттық альянс құру туралы бастама да айтылды.

PARAM BILIM-2 30 ғылыми бағыттағы зерттеулермен айналысады.

Фото: ҚР МНВО