Қазақстан Республикасының Мәдениет және ақпарат министрі Аида Балаева өңірдің негізгі мәдени мұра объектілеріндегі қалпына келтіру жұмыстарының барысымен танысу үшін Түркістан облысына жұмыс сапарымен барды. Ол «Әзірет Сұлтан» мемлекеттік тарихи-мәдени қорық-музейінде, Қожа Ахмет Ясауи кесенесінде, Хильвет жерасты мешітінде және Яссы-Күлтөбе ортағасырлық қалашығында болды
Аида Балаева «Әзірет Сұлтан» қорығына мемлекет басшысының тапсырмасы бойынша 2023 жылы «Ұлттық» мәртебесін беру Қазақстанның мәдени мұрасын сақтау үшін маңызды қадам болып табылатынын атап өтті. Қорық-жылына 350 мыңнан астам келушілерді тартатын археологиялық және сәулет ескерткіштерінің бірегей кешені.
Қожа Ахмет Яссауи кесенесіне ерекше назар аударылып, оны сақтау шаралары талқыланды. Ғылыми зерттеулердің нәтижелері кесененің құрылымын нығайту, атап айтқанда, оның айналасындағы жасыл желектерді шамадан тыс суарудың теріс әсерін жою қажеттілігін көрсетті. Министр сондай-ақ, 2023 жылдың желтоқсан айынан бастап автоматтандырылған жүйенің көмегімен кесененің жай-күйіне үздіксіз бақылау жүргізіп келе жатқан мониторинг-орталық жұмысының маңыздылығын атап өтті. Сондай-ақ, Министр археологиялық қазбалар мен қалпына келтіру жұмыстары жүргізіліп жатқан Яссы-Күлтөбе ортағасырлық қалашығында болды.
Фото: ҚР Мәдениет және ақпарат министрлігі