Астана, 2026 жылғы 11 ақпан – Karavan Info ақпараттық агенттігі . ҚР Сыртқы істер министрі Ермек Көшербаев Түркия елшісі Мұстафа Капуджаны қабылдады. Тараптар екіжақты ынтымақтастықты дамыту мәселелерін талқылады.
Олар екі ел арасындағы кеңейтілген стратегиялық серіктестікті нығайту бойынша қол жеткізілген келісімдерді жүзеге асыруға назар аударды. Сондай-ақ, алдағы жоғары деңгейдегі және саммиттерге дайындық мәселелерін талқылады.
Тараптар Қазақстан-Түркия үкіметаралық экономикалық комиссиясының 14-ші отырысын ұйымдастыру мәселесін талқылады. Олар практикалық ынтымақтастықты нығайту мен сауда-экономикалық, инвестициялық және көлік-логистика салаларындағы бірлескен жобаларды жүзеге асырудың маңыздылығын атап өтті.
Тараптар достық қарым-қатынастардың жоғары деңгейін растап, Түркі мемлекеттері ұйымы аясында тығыз ынтымақтастықты жалғастыруға өзара мүдделілік білдірді.
Фото : Қазақстан Республикасы Сыртқы істер министрлігі