Өзбекстан-Қытай форумы аясында Самарқанд облысы әкімінің міндетін атқарушы Адиз Бобоев Қытайдың Шаньдун провинциясы губернаторының орынбасары Сунь Цзюнцзи бастаған делегациямен кездесу өткізді.

Тараптар ауыл шаруашылығы, фармацевтика, құрылыс және тоқыма өнеркәсібі сияқты негізгі салалардағы ынтымақтастықты тереңдету жолдарын белгіледі.

Адиз Бобоев Самарқанд пен Шаньдун арасында кәсіби білім беру орталығын құруды және мамандар алмасу бағдарламаларын бастауды ұсынды.
Самарқандта Шаньдун мәдениет күндерін өткізу және университеттер арасында студент алмасуды бастау жайы да сөз болды.

Сунь Джунджи Өзбекстанның бүгінде реформалар мен инвесторлар үшін ашық мүмкіндіктер елі екенін атап өтті. Кездесу соңында тараптар ынтымақтастық туралы меморандумға және басқа да бірқатар құжаттарға қол қойды.