Астана, 2026 жылғы 25 наурыз – Karavan Info ақпараттық агенттігі. Қазақстан Президенті Қасым-Жомарт Тоқаев Грекия Республикасының Президенті Константинос Тасуласқа ұлттық мереке – Тәуелсіздік күніне орай құттықтау жеделхатын жолдады.

«Достық пен өзара түсіністікке негізделген Қазақстан мен Грекия арасындағы қарым-қатынастың берік негізі мен зор әлеуеті бар екенін атап өтуге қуаныштымын. Біздің көп қырлы ынтымақтастығымыз екі ел халқының игілігі үшін нығая беретініне сенімдімін», — делінген жеделхатта.

Тоқаев Тасуласқа мемлекеттік қызметінде табыс, ал грек халқына әл-ауқат пен гүлдену тіледі.

Фото : Ақорда