«Өзатом» агенттігіжәне Венгрияның мемлекеттік энергетикалық компаниясы MVM EGI ZrtӨзбекстанда атом энергетикасын дамытуға бағытталған ынтымақтастық туралы келісімге қол қойды.

Өзбекстанның атом өнеркәсібі үшін білікті мамандарды даярлау бағдарламасын іске қосу және атом электр станцияларын құрғақ салқындатудың озық жүйелерін жеткізуді ұйымдастыру ынтымақтастықтың негізгі бағыттары болады. Бұған дейін өзбек тарапы венгриялық мамандар әзірлеген бұл технологияны енгізуге дайын екенін растаған болатын.

Келісім сондай-ақ Өзбекстан аумағында бейбіт атом энергетикасы секторында технологияларды локализациялау бойынша бірлескен ғылыми зерттеулер мен жобаларды жүзеге асыруды көздейді.

Сонымен қатар, Өзбекстан мен Венгрия үкіметтері арасында өзара түсіністік туралы меморандумға қол қойылды, ол екіжақты ынтымақтастықты одан әрі дамыту және Өзбекстан Республикасында атом электр станцияларын салу жобаларын жүзеге асыру үшін негіз қалады.

Бұл келісімдер елдегі алғашқы атом электр станциясын құру бойынша қазірдің өзінде жүргізіліп жатқан жұмыстарды толықтырады. Бұған дейін ресейлік «Росатом» мемлекеттік корпорациясы Өзбекстанның болашақ атом электр станциясы үшін алғашқы реакторлық жабдықты шығаруды бастағанын жазған болатынбыз.

Анықтама.Венгриялық MVM EGI Zrt компаниясы. 1948 жылы құрылған және ішкі және халықаралық нарықта энергетикалық секторда көшбасшы болып табылады. Ол бүкіл әлем бойынша мыңдаған электр станцияларының сенімді негізін құрайтын суды үнемдейтін салқындату жүйелерін жобалауға және енгізуге маманданған.