Өзбекстанның денсаулық сақтау министрі Асылбек Худаяров Қытайдың Өзбекстандағы Төтенше және Өкілетті елшісі Юй Цзюньмен келіссөздер жүргізді. Талқылаудың негізгі тақырыбы 1 қыркүйекте ШЫҰ саммитінде қол қойылған үкіметаралық келісімді жүзеге асыру болды.
Тараптар Республикалық сот-медициналық сараптама ғылыми-практикалық орталығының материалдық-техникалық базасын нығайту және бірқатар медициналық мекемелерді жаңғырту мәселелерін талқылады.
Қытай гранттарымен қаржыландырылатын жобаларды, соның ішінде Өзбекстанда дәстүрлі қытай медицинасын дамытуды жеделдету туралы келісімге қол жеткізілді.
Қытайлық кардиохирургтар биыл туа біткен жүрек ақауы бар балаларға 500 жоғары технологиялық операция жасауды ұсынды . Операцияларды Ұлттық балалар медициналық орталығында, Республикалық мамандандырылған хирургия орталығында және Ташкент мемлекеттік медицина университетінің балалар көпсалалы клиникасында жасау жоспарлануда.