Өзбекстан президенті Шавкат Мирзиеевтің үлкен қызы Саида Мирзиёева президент әкімшілігінің басшысы болып тағайындалды. Бұл туралы мемлекет басшысының баспасөз хатшысы Шерзод Асадов хабарлады.

Жаңа қызмет президенттің жарлығымен бекітілді. Бұған дейін 2023 жылдың тамызынан бастап Саида Мирзиеева президенттің көмекшісі қызметін атқарса, 2022 жылдың қарашасынан бастап Әкімшілік аппаратында байланыс және ақпараттық саясат секторын басқарды.

Саида Мирзиеева деген кім?Саида Мирзиёева 1984 жылы 4 қарашада Қоқан қаласында дүниеге келген. Ол Шавкат Мирзиеев пен Зироатхон Хошимованың үлкен қызы, кеңестік жоғары лауазымды тұлғаның отбасынан шыққан. Саиданың Шахноза есімді қарындасы мен 2009 жылы туған Мирәлішер есімді інісі бар.

Білім және ғылыми қызметСаида Мирзиёева Әлемдік экономика және дипломатия университетін халықаралық құқық мамандығы бойынша бітірген. Одан кейін Ташкент мемлекеттік заң университетінде құқық магистрі дәрежесін (2008 ж.), ал 2010 жылы Ломоносов атындағы Мәскеу мемлекеттік университетінде экономика магистрі дәрежесін алды.

2021 жылы академик Владимир Квинттің жетекшілігімен аймақтық даму стратегиялары тақырыбында экономика ғылымдарының кандидаты диссертациясын қорғады. Стратегиялық жоспарлау, тұрақты даму және жаһандық трендтердің мемлекеттік саясатқа әсерін бағалау бойынша ғылыми жарияланымдардың авторы.