2025 жылдың қаңтар-маусым айларында Қырғызстанда ауыл, орман және балық шаруашылығы нысандарының құрылысына салынған инвестиция көлемі 1,4 есеге өсті. Ұлттық статистика комитетінің мәліметінше, қаржыландыру негізінен республикалық және жергілікті бюджеттер, тұрғындардың қаражаты, тұрғындардың қайырымдылық көмегі, сондай-ақ банк несиелері есебінен жүзеге асырылған.

Осы кезеңде 1,7 шақырым жағалауды қорғау құрылыстары және 0,2 шақырым селге қарсы құрылыстар пайдалануға берілді.

Бұл ретте тау-кен өнеркәсібі нысандарының құрылысына инвестиция көлемі 7,6%-ға қысқарса, өңдеуші өнеркәсіп нысандарының құрылысына салынған инвестиция көлемі 2,2 есеге артты. Керамикалық плитка, асфальтбетон, кондитерлік және киім-кешек шығаратын қуаттар енгізілді.

Сондай-ақ, электрмен жабдықтау, газ, бу беру және ауа баптау объектілерінің құрылысына салынған инвестиция көлемі 33,8%-ға төмендесе, сумен жабдықтау, қалдықтарды өңдеу және қайта өңдеу объектілерінің құрылысы 0,7%-ға өсті.

Бөлшек сауда нысандарының құрылысына салынған инвестиция да 14%-ға қысқарса, көлік инфрақұрылымына салынған инвестиция 7,7%-ға өсті. Жалпы ұзындығы 2,7 шақырымды құрайтын жаңа облыстық және жергілікті маңызы бар жолдар, 5,55 шақырымдық шаруашылық ішілік жолдар, сондай-ақ сыйымдылығы 1,5 мың тонна картоп, көкөніс, жеміс-жидек сақтайтын қоймалар пайдалануға берілді.

Қонақ үйлер мен мейрамханалар салуға инвестиция 5,2 есеге, ақпарат және байланыс нысандарына – 1,4 есеге, білім беруге – 14,8 пайызға, денсаулық сақтауға – 2,9 есеге, өнер, ойын-сауық және демалыс саласына – 2,8 есеге өсті.