Бүгүн, 30-июлда Афинада (Греция) өтүп жаткан дүйнө чемпионатынын үчүнчү күнүндө Кыргызстандын өкүлдөрү килемге чыгышат.

Кыз-келиндер арасындагы күрөш боюнча мелдеште өлкө намысын беш спортчу коргойт:

• Айза Таалайбекова (43 кг чейин),
• Азема Калидинова (49 кг чейин),
• Альбина Салымбекова (57 кг чейин),
• Манзура Жусуева (65 кг чейин),
• Меруерт Октябрьева (73 кг чейин).

Толгоо Бишкек убактысы боюнча саат 13:30да башталат.

Кошумчалай кетсек, бүгүн бир күн мурун күч сынашкан уландар арасында грек-рим күрөшү боюнча жубатуучу жана финалдык беттештер орун алат. 51 килограммга чейинки салмак ченинде Ислам Курбанов коло медаль үчүн күрөшөт.

Эки кыргызстандык финалга чыкты: 45 килограмм салмакта Нуркерим Кумарбеков алтын медаль үчүн казакстандык Куанышбек Жангажол менен беттешет. Амангелди Ысакбаев 60 килограмм салмакта финалда азербайжандык Али Назаров менен алтын үчүн күрөшөт.