Кыргыз Республикасынын Улуттук статистикалык комитетинин алдын ала маалыматтары боюнча 2025-жылдын январь-апрель айларында тышкы жана өз ара товар жүгүртүүнүн көлөмү 4,6 миллиард АКШ долларын түздү, бул 2024-жылдын ушул мезгилине салыштырмалуу 11,7%га аз.

Товарлардын экспорту 730,3 млн долларды түзүп, 8,2%га азайган, бул негизинен алыскы чет өлкөлөргө жеткирүүлөрдүн 25,5%га кыскарышына байланыштуу.

Товарлардын импорту 3,9 млрд долларды түзүп, 2024-жылдын январь-апрелине салыштырмалуу 12,3%га азайган. Тактап айтканда, алыскы чет өлкөлөрдөн сатып алуу 19,2%га кыскарган.

Соода түзүмүндө экспорттун үлүшү 16%ды, импорттун үлүшү 84%ды түзгөн. Бул мезгилде соода балансынын терс сальдосу 3,1 миллиард долларды түздү.

Соода географиясына келсек, Евразия экономикалык биримдигинин мамлекеттери менен болгон өз ара соода товар жүгүртүүнүн жалпы көлөмүнүн 32%ын, үчүнчү өлкөлөр менен тышкы сооданын 68%ын түздү.