Кыргыз Республикасынын Министрлер Кабинетинин Төрагасы – Президенттин Аппаратынын Жетекчиси Адылбек Касымалиев Беларусь Республикасына расмий сапар менен келди.

Минск улуттук аэропортунан Адылбек Касымалиевди Беларусь Республикасынын вице-премьер-министри Анатолий Сивак тосуп алды.

Аэропортто эки өлкөнүн желектери илинип, Ардактуу кароолдун ротасы тизилди.

Расмий сапардын алкагында өкмөт башчы Беларустун президенти Александр Лукашенко жана премьер-министр Александр Турчин менен жолугушат. Сүйлөшүүлөрдүн жыйынтыгында өкмөт башчылары эки тараптуу кызматташтыкты мындан ары өнүктүрүүгө жана бекемдөөгө багытталган бир катар эл аралык документтерге кол коюшат. Премьер-министр иш сапарынын алкагында бир катар объектилерди да кыдырат.

Мындан тышкары, 29-30-сентябрда Министрлер Кабинетинин Төрагасы Көз карандысыз Мамлекеттер Шериктештигинин Өкмөт башчылар кеңешинин жана Евразия өкмөттөр аралык кеңешинин жыйындарына катышат, ошондой эле Иннопромдун пленардык жыйынында сөз сүйлөйт. Беларустун эл аралык өнөр жай көргөзмөсү.