Талас облусунун Айтматов райондук прокуратурасы тарабынан жүргүзүлгөн текшерүүдө жер жана мүлк мыйзамдарынын талаптарын бузуу менен Кызыл-Адыр айылында жайгашкан нефтебазаны, анын ичинде өндүрүштүк имараттарды, резервуарларды жана жалпы аянты 1,62 гектар жер тилкесин мыйзамсыз менчиктештирүү фактылары аныкталган.

Прокуратура тарабынан көрүлгөн чаралардын натыйжасында аталган объект бардык мүлкү жана жалпы баасы 30 млн сомду түзгөн жер тилкеси менен мамлекеттин менчигине кайтарылган.

Прокуратура мамлекеттик кызыкчылыктарды коргоо, анын ичинде мамлекеттик менчиктен мыйзамсыз чыгарылган стратегиялык маанилүү объекттерди кайтаруу жаатындагы системалуу ишин улантууда.