ООГАНИСТАН, 2026-жылдын 5-февралы – Karavan Info маалымат агенттиги. Америкалык прокурорлор Рахманулла Лакновал үчүн өлүм жазасын сурай тургандыктарын жарыялашты.

Ооган жараны Лакновал АКШнын Улуттук гвардиясынын аскерлерин атып өлтүргөн деп айыпталууда.

Ал шаршемби күнү федералдык сотто биринчи жолу сөз сүйлөп жатып, күнөөсүн мойнуна алган жок.

Лакнавал мурда ооруканада дарыланып жатып, сот отурумуна онлайн катышкан.

Анын иши боюнча кийинки сот отуруму май айынын башында өтөт.

CNN шаршемби күнү билдиргендей, прокурорлор кошумча айыптоолорду да карап жатышат, эгерде алар тастыкталса, өлүм жазасына алып келиши мүмкүн.

Сотто Лакнавал куралды өзүн коргоо үчүн Uber жана Lyft компанияларында унаа айдап жүргөндө алып жүргөнүн айткан. Бирок, тергөөчүлөр анын кол салуу болгон учурда жумушсуз болгонун жана анын Uberдеги иштөө уруксаты болжол менен эки ай мурун жокко чыгарылганын билдиришкен.

Ооган армиясынын мурдагы жоокери Рахманулла Лакновал 2025-жылдын 27-ноябрында Ак үйдүн жанында Улуттук гвардиянын күчтөрүнө ок чыгарган. Кол салууда эки жоокер жарадар болгон, алардын бири Сара Бакстром кийинчерээк ооруканада каза болгон.

Окуя учурунда Батыш Вирджиния Улуттук гвардиясынын офицери Лакновалга ок чыгарып, АКШнын Жашыруун кызматынын офицери менен бирге аны баскан.

Associated Press агенттиги атайын билдирүүсүндө алган электрондук каттардын айрымдары Рахманулла Лакновалдын көп жылдар бою психикалык саламаттыгынын оор көйгөйлөрүнөн, жумушсуздуктан жана узакка созулган социалдык обочолонуудан жапа чеккенин көрсөткөнүн билдирген.

Сүрөт: India Times