АКШнын Президентинин Түштүк жана Борбордук Азия боюнча атайын өкүлү Серхио Гор Кыргыз Республикасына келди. Бул тууралуу Тышкы иштер министрлигинин басма сөз кызматы билдирди.
Ведомствонун маалыматы боюнча, сапардын алкагында КР президенти Садыр Жапаров жана КР тышкы иштер министри Жээнбек Улубаев менен жолугушуулар пландаштырылган.
Мындан тышкары, АКШнын атайын өкүлү Гор 2026-жылдын 4-5-февралында Бишкекте өтө турган Борбор Азия-АКШ экономикалык форумуна (B5+1) катышат.
04.02.2026 20:25:44