Ысык-Көл облусунун Ак-Суу районундагы «Ала-Тоо» лыжа базасында жаңы асма жолду куруу иштери башталды. Керектүү жабдуулар жана шаймандар буга чейин жеткирилген.

Учурдагы этапта инженерлер асма жол куруу зоналарында техникалык жолдорду төшөөдө, тирөөчтөрдүн пайдубалын куюу иштери башталды. Жабдуулар участокко этап менен адистештирилген заводдон жеткирилет.

Буга чейин Борбор Азияда теңдеши жок асма жолдорду долбоорлоо жана куруу боюнча дүйнөлүк лидер болгон австриялык ири компания менен келишим түзүлгөн.

Жаңы асма жолдун жалпы узундугу 4 чакырымды түзүп, эки бөлүккө бөлүнөт:

• Биринчи бөлүгү 1 км 730 метр, 12 тирөөч жана 2 станция менен,
• Экинчи бөлүгү 2 км 250 метр, 14 тирөөч жана 2 бекети бар.

Долбоор аймактын туристтик инфраструктурасын өнүктүрүүгө жана курорттун жагымдуулугун жогорулатууга багытталган.