Борбор калаада телефондук алдамчылык боюнча дагы бир факт катталды. Кол салгандар Бишкек шаарынын тургунуна телефон чалып, өздөрүн УКМКнын кызматкерлерибиз деп тааныштырып, атайын операция өткөрүлдү деген шылтоо менен анын депозиттик эсебинен 300 миң сомун белгисиз банк эсебине которууга көндүрүшкөн.

Кийинчерээк шылуундар аялды Бишкектеги батирин 74 миң долларга сатууга мажбурлашкан. Ал алган акчасын да бир нече банк эсебине которгон.

Жабырлануучу милицияга кайрылып, андан соң КР Кылмыш-жаза кодексинин 209-беренеси («Алдамчылык») менен кылмыш иши козголгон.

Жүргүзүлгөн иликтөө иш-чараларынын алкагында ИИМдин Кылмыш иликтөө башкы башкармалыгы тарабынан үч шектүү – “тамгачылар” (уурдалган акчалар эсептерине которулган адамдар) кармалган.

• 2006-жылы туулган А.А
• 2006-жылы туулган Э.Н
• 1980-жылы туулган Т.А

Тинтүү учурунда алардан банк карталары, төлөм квитанциялары, сим-карталар, газ тапанчасы алынган. Тергөө иштери уланууда.