АСТАНА, 12-май – «Караван Инфо» МА.Казакстан Республикасынын Саламаттык сактоо министрлиги тарабынан жарыяланган 2025-жылга Квалификацияны жогорулатуу жылынын алкагында 550дөн ашык баштапкы медициналык-санитардык жардамдын (БМС) адистери окууга киришти. Демилгенин максаты адамдык ресурстарды чыңдоо жана медициналык жардамдын жеткиликтүүлүгүн жакшыртуу болуп саналат.

1-апрелден тарта үч жылга чейинки стажы бар жаш адистерди, ошондой эле медициналык окуу жайлардын жана колледждердин мугалимдерин камтыган кошумча билим берүү программасы ишке кирди. Окуу аймактык негизде медициналык мекемелердин базасында уюштурулат.

Жалпы практикалык дарыгерлер үчүн 12 курс жана орто звенодогу медициналык кызматкерлер үчүн 6 курс иштелип чыккан. Бүгүнкү күндө өлкөнүн 12 облусунан 136 дарыгер жана 419 медицина кызматкери, ошондой эле колледждердин 38 окутуучусу кайра даярдоодон өтүүдө.

Жыл аягына чейин 908 дарыгер жана 1327 орто звенонун өкүлдөрү окуудан өтүшөт, бул баштапкы медициналык-санитардык жардам системасын чыңдоого жана жалпысынан медициналык кызматтын сапатын жогорулатууга мүмкүндүк берет.

Сүрөттү “Караван Инфо” МА чагылдырган