ООГАНЫСТАН, 2026-жылдын 4-апрели – Karavan Info маалымат агенттиги. Эл аралык адам укуктары боюнча Amnesty International уюму Ооганстанда жаңы окуу жылынын башталышы менен (22-март) алтынчы класстан жогорку кыздар үчүн мектептер жабык бойдон кала берерин жарыялады.

Уюм талибдер дискриминациялык саясатын токтотуп, кыздардын билимин улантуусуна уруксат бериши керектигин баса белгиледи.

Бул тууралуу Amnesty International уюмунун Канададагы бөлүмү социалдык медиа баракчасында билдирди.

"Бул аптада ооган мектептеринде жаңы окуу жылы башталат, бирок 12 жаштан жогорку кыздардын билим алуусуна тыюу салуу күчүндө кала берет. Бул кыздар төрт жылдан бери мектепке барбай келишет."

Уюм талибдерди жынысына негизделген дискриминациялык чектөөлөрдү алып салууга жана кыздардын билимин улантуусуна уруксат берүүгө чакырды.

Бул кырдаал төрт жылдан ашык убакыттан бери уланып келе жатат жана өлкөнүн билим берүү системасына жана кыздардын келечегине олуттуу коркунуч келтирет деп эсептелет.

Эл аралык уюмдар тыюу салууну бир нече жолу айыптап, талиптерди дискриминациялык саясатын токтотууга жана кыздардын окуусуна уруксат берүүгө чакырышкан.

Сүрөт: Анадолу маалымат агенттиги