ООГАНСТАН, 2026-жылдын 7-марты – Karavan Info маалымат агенттиги. Amnesty International уюму Талибанды жаңы кылмыш-жаза процессуалдык кодексин жокко чыгарууга же кайра карап чыгууга жана аны эл аралык адам укуктары стандарттарына ылайык келтирүүгө чакырды.

Ошондой эле уюм эл аралык коомчулукту документти катуу айыптап, адам укуктарын бузууну токтотуу үчүн талибдерге кысымды күчөтүүгө чакырды.

Amnesty International уюмунун маалыматы боюнча, Ооганстандагы талиптер тарабынан бекитилген жаңы кодекс аялдарга жана азчылыктарга карата зомбулукту жана басмырлоону күчөтүшү мүмкүн.

Уюм өзүнүн акыркы отчетунда Талибандын "жаңы кылмыш-жаза процессуалдык кодексинде" кылмыштар жана жазалар боюнча кеңири жана бүдөмүк жоболор камтылганын, бул адам укуктарынын андан ары чектелишине алып келиши мүмкүн экенин белгилейт.

Талибандын лидери кодексти ушул жылдын 5-январында бекиткен, андан кийин документ тиешелүү мекемелерге ишке ашыруу үчүн жөнөтүлгөн.

Сүрөт: AFP