МОСКВА, 2-июль, «Караван инфо» агентствосу.2025-жылдын 1-июлунан тарта Орусиядагы чет элдик жарандар Бирдиктүү биометрикалык системага (UBS) катталбаса, акырындык менен уюлдук байланышка кирүү мүмкүнчүлүгүнөн ажырай баштайт. Бул тууралуу Санариптик өнүктүрүү министрлиги өзүнүн расмий Telegram каналында билдирди.

Сүрөт: Depositphotos
Жаңы талаптарга ылайык, жыл башынан бери чет элдиктер биометрикалык маалыматтары бар болсо гана оператор менен келишим түзө алышат. Ошондой эле чектөө киргизилди: бир адамга 10 сим-картадан ашык чыгарууга болбойт.
Эреже катаалдай электе келишим түзгөндөр үчүн 1-июлга чейин биометрика тапшыруу милдеттендирилген. Министрликтин тактоосунда, буга чейин Бирдиктүү биометрикалык системага 2 миллиондон ашык чет өлкөлүк жаран катталган.
Бул чет өлкөлүк жарандардын кирүү жана болуусуна тиешелүү бир гана санариптик чара эмес. Буга чейин Санариптик өнүктүрүү министрлиги чек арадан өтүүнүн жаңы тартибин жарыялаган: чет элдиктер RuID мобилдик тиркемеси аркылуу арызды алдын ала тапшырса болот, андан соң бажы көзөмөлүнөн өтүү үчүн QR кодун алышат.
Ошол эле учурда Мамлекеттик Дума мигранттар үчүн сим-карталардын санын бир кишиге чейин кыскартуу боюнча мыйзам долбоорун карап жатат. Бийлик муну мобилдик идентификацияны иретке келтирүүгө жана санариптик коопсуздукту жакшыртууга жасалган кадам деп түшүндүрүүдө.