Бишкектин Эркиндик бульварында вандалдар көчөдө шахмат ойноочу шаймандарды талкалап кетишкен. Бул тууралуу окуяга күбө болгондор билдирди.
Арт-объект борбор калаанын тургундары жана коноктору арасында популярдуу болгон. Шаар тургундары бул окуяга нааразы болушуп, күнөөлүүлөр табылып, жазаланышын талап кылышууда.
Биринчи Май РИИБи өз кезегинде бул факты АИС ЖУИге катталып, тергөөгө чейинки текшерүү иштери башталганын билдирди.
«Учурда милиция кызматкерлери тарабынан бул окуяга катыштыгы бар адамдардын өздүгүн аныктоого багытталган бардык иш-чаралар жүргүзүлүүдө», – деп билдирди ОИИБ.

11.09.2025 08:44:50