Бишкекте Кулатов 1/1Б жана Кулатов, 6 даректеринде жайгашкан эмерек жасоочу ишканалар өндүрүштүк калдыктарды өрттөп жатканы аныкталды. Бул тууралуу мэриядан кабарлашты. 

Текшерүү Бишкек шаарынын мэриясынын Муниципалдык инспекциясы жана Жаратылыш ресурстары, экология жана техникалык көзөмөл министрлиги тарабынан биргелешип жүргүзүлгөн.

Экологиялык, ошондой эле Бишкек шаарын көрктөндүрүү эрежелери бузулгандыгы тууралуу шаар тургунунан арыз келип түштү.

Эки күндүк текшерүүнүн натыйжасында калдыктарды өрттөгөн бир канча объект аныкталды.

Мештерде ЛДСП жана иштетилген унаа майларды өрттөө фактылары аныкталды, бул шаар экологиясына олуттуу зыян келтирүүдө.

Натыйжада, эмерек жасоочу ишканаларына Кыргыз Республикасынын Укук бузуулар жөнүндө кодексинин 115-беренесинин 3-бөлүгүнө ылайык 99 миң 500 сомго айып салынды.

Эскертебиз, үй-жай, текстиль, өндүрүш жана медициналык калдыктарды өрттөгөндүгү үчүн айып пул каралган. Жеке жактар үчүн 7 500 сом, юридикалык жактар үчүн 23 000 сом айып пул каралган.

Ақпарат көзі: сайт https://caravan-info.kg/