«Таберик» балдар театрында Бишкек шаардык администрациясынын билим берүү башкармалыгы тарабынан олимпиаданын жана илимий долбоорлордун сынагынын жеңүүчүлөрүн сыйлоо аземи болуп өттү. Иш-чарага Бишкек шаарынын вице-мэри Виктория Мозгачева, билим берүү башкармалыгынын директору Рахат Мусаева, райондук билим берүү бөлүмдөрүнүн жетекчилери, мектеп директорлору жана окуучулар катышты. Эске салсак, мектеп окуучуларынын шаардык олимпиадасына борбор калаадагы жалпы билим берүүчү мектептерден 162 окуучу катышкан. Шаардык олимпиаданын жана илимий долбоор сынагынын жеңүүчүлөрү дипломдор жана баалуу сыйлыктар менен сыйланышты. Салтанаттуу иш-чаранын катышуучуларына концерттик программа тартууланды.