22-июлда Бишкектеги “Газпром-балдар үчүн” спорттук-эс алуу борборунда 2011-2012-жылдары төрөлгөн балдар арасында жайкы Спартакиаданын ачылыш аземи болуп өттү. Бул тууралуу мэриянын басма сөз кызматы билдирди. Иш-чарага Бишкек шаарынын мэри Айбек Жунушалиев катышып, спартакиаданын катышуучуларына ийгиликтерди каалап, жаштардын биримдигинин, ден соолугунун жана келечегинин негизи спорттун шаар турмушунда маанилүүлүгүн баса белгиледи. Спартакиаданын максаты жайкы каникул мезгилинде балдар арасында дене тарбия жана спортту активдештирүү, Бишкек шаарынын адистештирилген балдар-өспүрүмдөр спорт мектептерин (СДЮШОР) мындан ары кадрлар менен камсыз кылуу үчүн таланттуу жана келечектүү балдарды аныктоо болуп саналат.17-июлдан 28-июлга чейин созулган жана шаардын бардык төрт районун камтыган Спартакиаданын программасына спорттун төмөнкү түрлөрү киргизилген:

• футбол,
• пионербол,
• эстафеталык жарыш,
• ордо,
• аркан тартыш.