Мамсанэпидкөзөмөл департаменти 2025-жылдын 15-июнунан сентябрга чейин курорттук сезонго даярдык көрүү жана көзөмөлдөөнүн алкагында санитардык-профилактикалык иш-чараларды өткөрүү үчүн Бишкек шаардык мамлекеттик санитардык-эпидемиологиялык көзөмөлдөө борборунун адистери Чолпон-Ата шаарына жөнөтүлөөрүн маалымдайт.

Ишке жөнөтүлгөн адистердин негизги милдети коомдук тамактануу жайларынын санитардык абалын көзөмөлдөө, тамак-аштан уулануунун алдын алуу, ошондой эле ишкерлерге жана кызматкерлерге санитардык нормалар жана эрежелер боюнча түшүндүрүү иштерин жүргүзүү болуп саналат.

Иштин негизги багыттары төмөнкүлөрдү камтыйт:стационардык коомдук тамактануу пункттарын каттоо жана текшерүү; объекттерде суу менен жабдуунун, канализациянын жана электр менен жабдуунун болушун контролдоо; тамак-аш азыктарын сактоого, даярдоого жана сатууга талаптарды түшүндүрүү; өзгөчө көлдүн жээк зонасына жакын жерде стихиялуу сооданын алдын алуу; персоналдын (ашпозчулардын, официанттардын ж.б.) санитардык китептерин текшерүү; конок үйлөрүнүн жана туристтик объекттердин ээлерине милдеттүү санитардык шарттар жөнүндө маалымдоо; курч ичеги инфекцияларынын жана тамак-аштан уулануунун алдын алуу боюнча баракчаларды таркатуу.

Объектте санитардык китептин жоктугу, продукцияны сактоо шарттарын сактабоо же антисанитардык абал сыяктуу бузуулар аныкталган учурда Мамлекеттик санитардык-эпидемиологиялык көзөмөл борбору административдик чара колдонууга, анын ичинде айып салууга укуктуу. Бардык санитардык документтер жумуш ордунда сакталууга жана текшерүү органдарынын биринчи талабы боюнча көрсөтүлүүгө тийиш.

Мамлекеттик санитардык-эпидемиологиялык көзөмөлдөө департаменти эскертет: санитардык эрежелерди сактоо Ысык-Көлдүн жээгинде өлкөнүн жарандарынын жана конокторунун коопсуз эс алуусун камсыз кылуунун эң маанилүү шарты, ошондой эле тамак-аштан ууланууну жана инфекциялардын жайылышын алдын алуу боюнча ишенимдүү чара болуп саналат.