Бишкек шаарынын мэри Айбек Жунушалиев бүгүн Казакстандын президенти Касым-Жомарт Токаевдин жарлыгы менен II даражадагы «Достык» ордени менен сыйланды. Бул тууралуу мэриядан кабарлашты. 

Бул жогорку сыйлык Кыргызстан менен Казакстандын борборлорунун ортосундагы ар тараптуу кызматташтыкты өнүктүрүүгө ар тараптуу көмөк көрсөткөндүгү үчүн тапшырылды.

Сыйлык тапшыруу Бишкек шаарынын мэриясында өтүп, аны Казакстандын элчиси Рапил Жошыбаев тапшырды.

Өз сөзүндө элчи Айбек Жунушалиевдин Бишкек менен Астананын ортосундагы достук байланыштарды чыңдоого жана өнөктөштүк мамилелерди өнүктүрүүгө кошкон зор салымын белгиледи.

«Бул сыйлык борборлорубуздун жана элдерибиздин ортосундагы кызматташтыкты өнүктүрүү боюнча Сиздин күч-аракетиңизди таануунун символу болуп саналат. Сиздин ишиңиздин аркасында Бишкек менен Астананын ортосундагы мамилелер эффективдүү өз ара аракеттенүүнүн жана достуктун үлгүсүнө айланууда”, – деп баса белгиледи Ээлчи Жошыбаев.

Айбек Джунушалиев сыйлыкты алып жатып, жогору ишеним үчүн ыраазычылык билдирди.

“Достык” орденин алуу мен үчүн чоң сыймык. Бул менин аракетимди гана эмес, шаарларыбызды өнүктүрүү үчүн иштеп жаткан бүт команданын эмгеги. Бишкек менен Астана кызматташтыгын бекемдеп, элдерибиздин достугуна өз салымын кошо берет”,-деди калаа башчысы.

1995-жылы негизделген “Достык” ордени эл аралык кызматташтыкты чыңдоого жана гуманитардык жана маданий байланыштарды өнүктүрүүгө кошкон зор салымы үчүн ыйгарылат. Бул орден менен сыйлангандардын арасында Хиллари Клинтон, Пан Ги Мун жана Ли Куан Ю сыяктуу атактуу дүйнөлүк лидерлер бар.

Тараптар ошондой эле актуалдуу маселелерди жана боло турган биргелешкен долбоорлорду талкуулашты.

Ақпарат көзі: сайт https://caravan-info.kg/