2026-жылдын 21-февралында Дене тарбия жана ден соолукту чыңдоо комплексинде 2014–2015-жылдары төрөлгөн балдар жана кыздар арасында дзюдо боюнча 5-Бишкек мэринин кубогунун салтанаттуу ачылышы болду.

Мелдештин катышуучуларына Бишкек шаарынын вице-мэри Виктория Мозгачева жана Кыргыз Республикасынын Жогорку Кеңешинин депутаты жана Улуттук дзюдо федерациясынын президенти Куванычбек Конгантиев куттуктоо сөздөрүн айтышты. Алар өз сөздөрүндө борбор калаада спортту өнүктүрүү ар дайым артыкчылыктуу багыт бойдон кала берерин баса белгилешти.

«Бүгүн биз спорттун, кайраттуулуктун жана жаңы мүмкүнчүлүктөрдүн чыныгы майрамына чогулдук. Бул жөн гана мелдеш эмес, бул биздин Бишкек шаары үчүн, спортчулар үчүн жана жаш муундун күчүнө ишенгендердин баары үчүн чоң майрам. Турнир жаш, таланттуу жана умтулган спортчуларды бириктирет. Ар бириңиздер үчүн бул өз талантыңызды көрсөтүү, талантыңызды ачуу, жаңы нерселерди үйрөнүү жана бийиктиктерге карай дагы бир кадам таштоо мүмкүнчүлүгү. Дал ушул жерде келечектеги жеңиштердин пайдубалы түптөлөт, алар эртең эл аралык аренада өлкөбүзгө даңк алып келет», – деп белгиледи мэрдин орун басары.

Мелдештин жыйынтыктары:

50 кг салмак категориясы (балдар): 1-орун – Маратов И. 2-орун – Алиев Э. 3-орун – Джунусов А. 3-орун – Адылбеков Б. 29 кг салмак категориясы (балдар): 1-орун – Жоробеков Р. 2-орун – Нурланов Н. 3-орун – Майрамбеков С. 3-орун – Ашыралиев У. 29 кг салмак категориясы (балдар): 1-орун – Баялинов А. 2-орун – Жеткинов А. 3-орун – Алмазбеков М. 3-орун – Ташболотов А.

Белгилей кетсек, турнир жыл сайын Бишкекте дзюдону жайылтуу, жаштар арасында спортко болгон сүйүүнү жана дени сак жашоо образын калыптандыруу, спортчулар менен машыктыруучулардын ортосундагы достукту чыңдоо, тажрыйба алмашуу жана спорттук чеберчиликти жогорулатуу максатында өткөрүлүп келет.

Жалпысынан турнирге 250дөн ашык дзюдочу катышты.

Ата Мекенди коргоочулар күнүнө карата уюштурулган бул иш-чараны Бишкек шаардык мэриясынын Дене тарбия жана спорт, туризм жана жаштар иштери боюнча башкармалыгы Кыргыз Республикасынын Улуттук дзюдо федерациясы менен биргеликте уюштурду.

22.02.2026 16:47:22