ООГАНИСТАН, 2025-жылдын 29-декабры — Karavan Info маалымат агенттиги. БУУнун калктуу конуштар программасы Ооганстандын шаар калкынын 40% дан ашыгы Кабулда жашай турганын, ар бир беш тургундун төртөөсү расмий эмес конуштарда жашай турганын билдирди. Бириккен Улуттар Уюму борбор калаада климаттын өзгөрүшүнүн кесепеттерине каршы күрөшүү үчүн шашылыш чараларды көрүүгө чакырды.

Көбүнчө кедей адамдар жашаган расмий эмес конуштар расмий пландаштырылбастан жана шаар курулушу боюнча мыйзамдар менен эрежелер сакталбастан курулган. Бул аймактар суу, электр энергиясы, канализация жана транспорттун жетишсиздиги менен мүнөздөлөт.

БУУнун программасы мурда Кабулдагы бейрасмий, кооптуу жана жык толгон конуштар калктын өсүшүнө жана коңшу өлкөлөрдөн келген ооган качкындарынын массалык түрдө кайтып келишине байланыштуу тездик менен кеңейип жатканын билдирген.

Ооган шаарларынын ичинен Кабул климаттын өзгөрүшүнө жана абанын булганышына эң алсыз шаар болуп саналат. Ооганстандын Саламаттыкты сактоо министрлиги 2020-жылдын кышында борбор калаадагы абанын булганышы жыл сайын дээрлик 5000 адамдын өлүмүнө алып келерин эскерткен.

Ооганстан глобалдык климаттык кризистин алдыңкы сабында турат. Акыркы үч жылдын ичинде өлкө бир катар жер титирөөлөр, кыйратуучу суу ташкындары жана катуу кургакчылык сыяктуу табигый кырсыктардын оор жүгүнө туш болду.

Сүрөт: Сорая Ньюс