2024-жылдын 15-июлунда Нью-Йоркто туруктуу өнүгүү боюнча жогорку деңгээлдеги форум өттү. Иш-чарага Тажикстан Республикасынын Премьер-министринин биринчи орун басары Хоким Холикзода катышты.

Форумдун жүрүшүндө дүйнөнүн ар кайсы аймактарында туруктуу өнүгүү чараларын ишке ашыруу маселелери талкууланды. Прогресске жетишүү үчүн эл аралык кызматташтыкты кеңейтүү жана экономикалык, социалдык жана экологиялык чөйрөлөрдө өнүктүрүү боюнча өнөктөштөрдү финансылык жана техникалык колдоону күчөтүү зарыл экендиги белгиленди.

«Соңку 5 жылда Тажикстан экономикалык өсүштү орточо жылдык 7,4% деңгээлинде кармап турууга жетишти, ички дүң продукция жан башына 2,3 эсеге өстү, өлкөдөгү жакырчылыктын деңгээли 2023 жылы 2003-жылга салыштырмалуу 83%дан 21,2%га төмөндөдү.  Акыркы 5 жылдын ичинде калктын жыргалчылыгынын деңгээли тынымсыз жогорулап, калктын кирешеси 4,4 эсеге өстү. Орточо эмгек акы 2,1 эсеге, ал эми пенсия 1,9 эсеге өстү», – деп белгиледи Хоким Холикзода.

Мындан тышкары, Тажикстандын суу, климат жана мөңгүлөрдү коргоо жаатындагы эл аралык демилгелери тууралуу маалымат берилди. “Суу 2018-2028-жылдарга туруктуу өнүгүү үчүн” иш-аракеттердин эл аралык он жылдыгынын Жогорку деңгээлдеги Үчүнчү конференциясынын жыйынтыгы чыгарылды.

Сүрөт: Тажикстандын Улуттук маалымат агенттиги “ХОВАР”