23-июнда Цюрихте Кыргызстандын Швейцариядагы элчилиги Switzerland Global Enterprise уюму менен биргеликте бизнес тегерек стол өткөрдү.Бул тууралуу Тышкы иштер министрлигинин басма сөз кызматы билдирди.

Иш-чарага швейцариялык компаниялардын 40тан ашык өкүлдөрү, ошондой эле КР Экономика жана коммерция министринин орун басары С.Болотов баштаган делегация катышты.

Иш-чаранын жүрүшүндө делегациянын жетекчиси С.Болотов, КР Транспорт жана коммуникация министринин орун басары А.Тургунбаев, КР Саламаттыкты сактоо министрлигинин өкүлү А.Турдалиева, «Кыргызэлектроника» компаниясы, ошондой эле Швейцариянын Schwihag AG жана SICPA SA компанияларынын презентациялары угулду.

Тегерек стол 9 жылдык тыныгуудан кийин 2025-жылдын 24-июнунда Берн шаарында өткөн кыргыз-швейцариялык биргелешкен өкмөттөр аралык комиссиясынын 5-жыйынына карата уюштурулду.