Душанбе, 29-май – «Караван Инфо» МА.29-31-май күндөрү баш калаанын Душанбе шаарындагы ЭКСПО борборунда мөңгүлөрдү сактоо боюнча жогорку деңгээлдеги эл аралык конференциянын алкагында уюштурулган өнөр жай көргөзмөсү өтөт.

Көргөзмөнүн негизги максаты Тажикстандын төртүнчү стратегиялык улуттук максатын – өлкөнү тездетилген индустриалдаштырууну ишке ашырууга колдоо көрсөтүү болуп саналат. Иш-чарада ата мекендик өнөр жай ишканаларынын продукциялары коюлуп, эл аралык кызматташтыкты чыңдоо жана продукцияны тышкы рынокко жылдыруу үчүн шарттар түзүлөт.

Көргөзмөдө төмөнкү багыттар боюнча павильондор көрсөтүлөт:

• машина куруу
• химия енер жайы
• текстиль жана женил енер жайы
• тоо-кен өнөр жайы
• минералдар
• курулуш материалдары
• көмүр өнөр жайы
• маалымат технологиясы
• энергия
• тамак-аш өнөр жайы
• агроенер жай сектору

Көргөзмөдө улуттук буюмдардын кеңири ассортиментин сунуштаган өндүрүш ишканалары да көрсөтүлөт.

Комплекстин тышкы аймагында жүргүнчүлөрдү жана жүктөрдү ташуучу унаалар, аскердик жана коопсуздук техникалары, Тажикстанда өндүрүлгөн айыл чарба техникалары коюлат.

Мындай көргөзмөлөрдү өткөрүү Тажикстандын эл аралык имиджин көтөрүүдө, инновациялык кызматташтыкты өнүктүрүүдө, заманбап технологияларды колдонуу менен биргелешкен ишканаларды түзүүдө жана өнөр жай продукциясынын экспорттук потенциалын жогорулатууда маанилүү роль ойнойт.

Мөңгүлөрдү сактоо боюнча эл аралык жогорку деңгээлдеги конференциянын коноктору, улуттук жана эл аралык уюмдардын, илимий жана финансылык институттардын, жеке сектордун жана башка кызыкдар тараптардын өкүлдөрү катышууга чакырылган.

Көргөзмө 29-майдан 31-майга чейин Душанбе ЭКСПО борборунда ачык болот.

Сүрөттө: Тажикстан Республикасынын өнөр жай жана жаңы технологиялар министрлиги