Душанбе, 9-июль, – «Караван Инфо» МА.8-июлда Тажикстандын борборунда биринчи эл аралык текстиль форуму жана жеңил өнөр жай жабдууларынын жана буюмдарынын көргөзмөсү ачылды, бул өлкөнүн жана аймактын өнөр жайы үчүн маанилүү окуя болуп калды. Иш-чара 50дөн ашык өлкөдөн келген катышуучуларды чогултуп, Тажикстандын текстиль тармагын өнүктүрүүнүн жаңы этабын белгиледи.

Ачылыш сөзүн Тажикстандын премьер-министри Кохир Расулзода жасады. Ал текстиль өнөр жайын өнүктүрүү өлкөнүн экономикалык саясатынын приоритеттүү багыты экенин, бул багытта маанилүү кадамдар жасалганын баса белгиледи. Атап айтканда, енер жайды енуктуруунун беш жылдык программасынын чегинде азыркы кездеги технология менен жабдылган ондогон жацы ишканалар ачылды. Алар ата мекендик жана чет элдик капиталды пайдалануу менен түзүлгөн.

—«Тажикстанда текстиль тармагында күчтүү потенциал бар, анын ичинде пахтаны өстүрүү үчүн жагымдуу шарттар жана чийки затты кайра иштетүү боюнча чоң тажрыйба бар»., — деп белгиледи екметтун башчысы.

Бүгүнкү күндө өлкөдө пахта буласынын 30%га жакыны кайра иштетилет, бирок бул көрсөткүч энергетика тармагын өнүктүрүүнүн, жаңы заводдордун ачылышынын жана инновацияларды киргизүүнүн эсебинен өсөт.

Форумду Тажикстандын Өнөр жай жана жаңы технологиялар министрлиги республиканын өкмөтүнүн колдоосу менен уюштурган. Ал жарыяланган 2022-2026-жылдар — өнөр жайды өнүктүрүүнүн алкагында өткөрүлүүдө.

Бийликтин позициясына ылайык, жеке жана чет өлкөлүк инвестицияларды стимулдаштыруу үчүн салык жана бажы жеңилдиктери берилип, өнөр жай кооперациясына жана өндүрүш кластерлерине шарттар түзүлүүдө. Ошондой эле инновацияларды киргизүүгө жана эл аралык өнөктөштүктү кеңейтүүгө өзгөчө көңүл бурулууда.

Форумга 200дөн ашык эл аралык эксперттер, 50дөн ашык өнөр жай компаниялары жана 100дөн ашык ата мекендик ишкерлер катышты. Иш-чара пленардык сессияларды, панелдик талкууларды, адистештирилген көргөзмөлөрдү, ошондой эле B2B жана G2B жолугушууларын камтыды.

Негизги жыйынтык Тажикстандын, Азербайжандын, Өзбекстандын жана башка өлкөлөрдүн ассоциациялары менен компанияларынын ортосунда кызматташуу боюнча келишимдерге кол коюу болду. Бул макулдашуулар текстиль секторунда биргелешкен долбоорлорду иштеп чыгууга, технология алмашууга жана эл аралык рыноктордо аракеттерди координациялоого тиешелүү.

Форум өз ишин 10-июлга чейин улантат жана катышуучулардын айтымында, Борбордук Азиядагы өнөр жай диалогу жана өнөр жай интеграциясы үчүн жылдык аянтча болуп калышы мүмкүн.

СУРОТТв: ачык булактардан