сүрөт: Sputnik / Стас Эотвос

28-31-август аралыгында Тажикстандын борборунда улуттук күрөш (Гуштингири) боюнча биринчи дүйнөлүк чемпионат өтөт. Тажикстандын Күрөш федерациясынан билдиришкендей, Душанбеге 60тан ашык өлкөдөн 200 спортчу чогулат.

«Алгачкы эки күндө Эл аралык Гуштингири федерациясынын ачылышы жана президентин шайлоо, ал эми турнирдин өзү 30 жана 31-августта Теннис сарайында жана суу спорт комплексинде өтөт. Көрүүчүлөр үчүн кирүү акысыз», – деп билдирди федерация.

Турнир тогуз салмак категориясында өтүшү күтүлүүдө. Анын ичинен үчөө аялдарга, алтоо эркектерге. Жалпы байге фонду 400 миң долларды түзөт.

Мындан тышкары күйөрмандардын арасында Toyota Camry 6 унаасы жана беш iPhone 15 Pro уюлдук телефону ойнотулат.