ООГАНИСТАН, 2026-жылдын 13-марты – Karavan Info маалымат агенттиги. 18–19-мартта Европа Парламенти жана Бельгия Сенаты биринчи жолу Талибандын саясий жана куралдуу каршылаштарынын өкүлдөрүн кабыл алат.

Мурда эл аралык жолугушуулар негизинен гуманитардык жардам, аялдардын укуктары жана качкындар маселелерине багытталган болсо, азыр көңүл саясий тирешүүгө жана куралдуу каршылык көрсөтүүгө бурулду.

Европа Биримдиги расмий түрдө Талибанды тааныбастан, алар менен чектелген деңгээлде кызматташуу саясатын улантууда.

Жолугушуулар Ооганстандагы кырдаалды баалоо, калкка жардам көрсөтүү жана коопсуздукту көзөмөлдөөнү максат кылат, ошол эле учурда адам укуктарын сыйлоонун жана аялдар менен кыздардын укуктарын коргоонун маанилүүлүгүн баса белгилейт.

Сүрөт: Guardian