МОСКВА, 21-май, 2025-жыл — АА Караван инфо.Эпидемиология жана микробиология илим-изилдөө борборунун директору Александр Гинцбург мышыктардын айынан дүйнө чечекке окшош пандемия коркунучунда турганын жана оору менен күрөшүү үчүн тез арада вакцина жаралышы керектигин билдирди.

"Учурда АКШ менен Европада жапырт жуктуруп жаткан мышыктардан адамга жуккан куш тумоосунун вирусунун жайылуу ыктымалдыгы өтө жогору. Козгучтун жугуштуулугун жана оордугун эске алганда, ал козгогон эпидемия чечек оорусуна окшош болушу мүмкүн, андыктан вакцинанын прототибин Орусияда түзүү керек", – деп эскертти окумуштуу.

Гинзбургдун айтымында, вакцинанын даяр прототиби үч-төрт жуманын ичинде бүтүндөй өлкөнү дары-дармек менен камсыз кылууга жана масштабдуу эпидемияны алдын алууга мүмкүндүк берет, бирок учурда Гамалея борборунда мындай иш жүргүзүлбөй жатат жана мындай вакцинаны түзүү боюнча бирдиктүү мамлекеттик программа жок.

Европанын Азык-түлүк коопсуздугу агенттигинин маалыматы боюнча, 2025-жылдын биринчи үч айында эле мурунку мезгилге караганда көбүрөөк жаныбарлар жуккан.

Окумуштуулар сасык тумоо вирусу жаныбарлардын түрлөрүнүн арасында өткөндө өзүнүн структурасын өзгөртүүгө жөндөмдүү экенин белгилешет, бул адамдарга жугушу мүмкүн болгон жаңы патогендик варианттардын пайда болуу коркунучун жогорулатат.

Сүрөт: ачык булактардан.