2025-жылдын сентябрында Барнаулда IV Эл аралык Алтайистика форумунун алкагында “Байыркы доордон азыркыга чейин: Фергана өрөөнүнүн эстеликтериндеги жана көрүнүштөрүндөгү тарых” аттуу уникалдуу фотокөргөзмө ачылат. Бул Борбордук Азиянын тарыхый жактан эң бай аймактарынын бири — Фергананын маданий мурастарына арналган Россия, Өзбекстан жана Кыргызстандын окумуштууларынын биргелешкен долбоору.

Көргөзмөгө “Этномаданий туризм: Фергана мурасы – 2025” эл аралык илимий экспедициясынын катышуучулары тарткан 100дөн ашык фотосүрөттөр коюлат. Көрүүчүлөр байыркы конуштар, орто кылымдардагы күмбөздөр, храмдар аркылуу визуалдык саякатка чыга алышат, ошондой эле Фергана жана Анжиян облустарынын жашоочуларынын күнүмдүк жана майрамдык жашоосуна көз чаптырышат.

Өзбекстан Республикасынын Туризм комитетине караштуу Туризмди өнүктүрүү боюнча илимий-изилдөө институтунун директору Елена Голышева белгилегендей, долбоор аймактын архитектуралык-археологиялык баалуулугун гана эмес, жергиликтүү тургундардын салтында, жүзүндө жана жашоосунда сакталып калган нукуралык атмосферасын көрсөтүү аракети болуп саналат.

Сүрөттөр Фергана өрөөнүндө жүргүзүлгөн тарыхый-этнографиялык изилдөөлөрдүн жыйынтыгы менен коштолгон. Негизги объекттердин арасында зороастризм жана буддизм салттарынын таасирин, ошондой эле аймактын маданий көп түрдүүлүгүн чагылдырган Мингтепа, Кызлартепа, Кува жана башкалардын байыркы жана эрте орто кылымдардагы эстеликтери бар.

«Бул ар бир сүрөт убакыттын, эстутумдун жана учурдун кесилишкен чекити болгон доорлор арасындагы жандуу диалог болот.“- деп белгиледи көргөзмөнүн уюштуруучусу, Алтай мамлекеттик университетинин Тарых жана эл аралык мамилелер институтунун директору Иван Назаров.

Көргөзмө көрүүчүлөрдүн кеңири чөйрөсү үчүн – тарыхчылардан жана маданият адистеринен тартып мугалимдерге, туристтерге жана Өзбекстандын маданиятына кызыккан бардык адамдарга арналган. Келечекте долбоорду Орусиянын жана Өзбекстандын башка шаарларында көрсөтүү пландалууда.