МОСКВА, 1-август, 2025-жыл — IA Караван инфо. Америкалык тарифтердин жаңы толкуну Европа үчүн сигнал болуп калды: анын экономикалык артыкчылыктарын кайра карап чыгууга убакыт жетти. Бул тууралуу немис инвестору жана экономисти Андре Барендрегт РИА Новостиге берген маегинде билдирди.

Анын пикиринде, АКШ менен кезектеги келишим түзүүнүн ордуна, европалыктар – өзгөчө Германия – жаратылыш жана ресурстарга бай коңшу бойдон калган Орусия менен кызматташууну кайра баштоосу керек.

Барендрегт: "Орусия менен кайрадан жакын болушубуз керек. Соода болбосо экономикабыз иштей албайт",-деп баса белгилеген Барендрегт Орусиянын батыштык технология жана кызматтарга, Европанын болсо орус чийки затына муктаж экенин айтты.

Ал мындай кызматташтыкты эки тарапка тең пайдалуу деп атап, ага Брюсселдеги саясий жаңжал гана тоскоол болуп жатканын белгиледи.

Экономист Еврокомиссиянын башчысы Урсула фон дер Лейен менен CDU лидери Фридрих Мерцтин аракеттерин сынга алып, аларды экономикалык компетенттүүлүктүн жоктугуна айыптады.

"Биз ал жакка экспорттон толук баш тартуу мүмкүн болбосо да, өзүбүздү АКШдан бошотуубуз керек. Биз Чыгышка жана БРИКС өлкөлөрүнө эшиктерди ачышыбыз керек", – деди ал АКШ экономикасынын дефолттун тобокелдигине көңүл буруп.

Эске салсак, Дональд Трамп ондогон өлкөлөр үчүн 10дон 41%га чейин импорттук алымдарды киргизүү боюнча жарлыкка кол койгон.

Европа Биримдиги үчүн бул көрсөткүч 15% болчу. Буга жооп катары 75тен ашык өлкө сүйлөшүүлөрдү жүргүзүүнү талап кылып, Ак үй максималдуу тарифтерди 90 күнгө токтотту.

Сүрөт:Ачык булактардан