ООГАНИСТАН, 2026-жылдын 18-февралы – Karavan Info маалымат агенттиги. АКШнын мурдагы мамлекеттик катчысы Хиллари Клинтон жаңы макаласында дүйнөдөгү аялдарга болгон жек көрүүчүлүктүн жана экстремизмдин эң ачык көрүнүшү Талибан доорундагы Ооганстанда байкалаарын билдирди.

Ал Талибандын алгачкы кадамдарынын бири аялдарды коомдук жашоодон четтетүү болгонун белгиледи.

Клинтондун "Аялдардын укуктары – демократиялык укуктар" деген аталыштагы макаласы Американын Foreign Affairs журналында жарыяланып, анда аялдардын эзилишинин демократияга жана глобалдык туруктуулукка тийгизген таасири изилденген.

Клинтондун жазганына караганда, талиптер 2021-жылы Ооганстанды басып алгандан кийин, алар аялдарды көрүнүктүү коомдук ролдордон дароо четтеткен. Кыздар орто билим алуудан тез эле ажыратылып, аялдарга университеттерге, мамлекеттик кызматтарга жана үйдөн тышкары кесиптик мүмкүнчүлүктөргө кирүүгө тыюу салынган.

Анын айтымында, талиптер өз аракеттерин ислам баалуулуктарын жана улуттук өзгөчөлүктү коргоо менен акташат. Бирок, көптөгөн өлкөлөрдө ислам жана демократия бирге жашайт. Клинтон бул чаралардын чыныгы максаты аялдарды маалыматка, кирешеге жана саясий таасирге жетүү мүмкүнчүлүгүнөн ажыратуу, ошондой эле коомдун жарымын коомдук жашоодон четтетүү менен бийликти бекемдөө деп эсептейт.

Ал талиптердин аракеттеринен кийин айрым авторитардык лидерлер аялдарды басуу аркылуу бийликти бекемдөөнүн ушул сыяктуу ыкмаларын кылдаттык менен байкап, изилдеп жатышканын эскертет.

Клинтон авторитардык режимдерди, алардын айырмачылыктарына карабастан — светтик же диний, батыш же чыгыш, өнүккөн же өнүгүп келе жаткан — аялдардын укуктарына карата жалпы душмандык бириктирип тураарын белгилейт.

Сүрөт: Кесилиш