«Узтемирюлконтейнер» ААК Индия менен Өзбекстанды байланыштырган контейнердик ташуу үчүн жаңы мультимодалдык маршрутту ишке киргизгенин жарыялады. Жаңы каттам деңиз жана темир жол аркылуу жүк ташууну камтыйт жана эки өлкөнүн ортосундагы логистикалык байланышты жакшыртууга багытталган.

Жаңы каттамга ылайык, контейнерлер Индиянын Мундра, Нава-Шева жана Ченнай портторунан Ирандын Бандар-Аббас портуна жеткирилет. Андан соң жүк Өзбекстандын Сергели станциясына темир жол аркылуу жеткирилет. Бандар-Аббас портунан Түркмөнстандын Серахс станциясына чейинки тилкеде жүк ирандык аянтчаларда ташылат, андан кийин алар “Узтемирюлконтейнер” компаниясынын платформаларына кайра жүктөлүп, Түркмөнстан аркылуу Өзбекстанга жөнөтүлөт.

20 контейнерден турган биринчи жүк поезди 20 күндө 2673 км аралыкты басып өттү. Компания жеткирүү мөөнөтүн 15 күнгө чейин кыскартууну пландоодо.

Бул маршрут Индия менен Өзбекстандын ортосундагы жүк ташуулардын натыйжалуулугун жогорулатууга, соода мүмкүнчүлүктөрүн кеңейтүүгө жана аймактагы товарлардын жеткиликтүүлүгүн жогорулатууга багытталган.

Сүрөт: Өзтемирюлконтейнер