Кыргызстандын Индиядагы элчиси Аскар Бешимов Индиянын тышкы иштер министри Сиби Джордж менен жолугушту, деп билдирди элчилик.

Жолугушуу 2026-жылдын 2-мартында Нью-Дели шаарында индиялык тараптын демилгеси менен өттү.

Сүйлөшүүлөрдүн жүрүшүндө тараптар кыргыз-индиялык мамилелердин азыркы абалы жана аларды андан ары өнүктүрүү келечеги боюнча пикир алмашышты. Алар туруктуу кызматташтыкты сактоого жана аны ырааттуу түрдө кеңейтүүгө өз ара кызыкдар экендиктерин тастыкташты.

Жакынкы келечектеги кызматташуунун артыкчылыктуу багыттарына, анын ичинде саламаттыкты сактоо жана билим берүү тармактарындагы кызматташууга өзгөчө көңүл бурулду. Тараптар бул багыттар боюнча биргелешкен демилгелерди андан ары илгерилетүү зарылдыгын белгилешти.

Ошондой эле эки тараптуу сапарларды даярдоо жана үзгүлтүксүз саясий жана дипломатиялык диалогду жүргүзүү маселелери талкууланды.

Жолугушуунун жыйынтыгында тараптар кыргыз-индиялык кызматташтыкты чыңдоо жана аны практикалык мазмун менен толтуруу ниетин ырасташты.

03.03.2026 07:06:51